ကောင်းသောသိုးထိန်းမြတ်တနင်္ဂနွေ

တရားထောက်ရှုချက်။ သံယောဟန် ၁၀း၁၁ - ၁၈

သိုးထိန်းဆိုတဲ့အသံကြားရုံနဲ့ပင် တော်တော်လေးခရစ်ယာန်ဆန်တယ်လို့ ခံစားရပါတယ်။ ခရစ်ယာန်တွေအားလုံးလည်း ကျနော့်လိုပဲ ခံစားကြမယ်လို့ ယုံကြည်ပါတယ်။ ဒီစကားရပ်ဟာ သိုးမွေးမြူရေးနဲ့အသက်မွေးဝမ်းကြောင်းပြုတဲ့ အရှေ့အလယ်ပိုင်းဒေသဘက်က လာပါတယ်။ အဲဒီဒေသဘက်မှာဆိုရင် မိမိတို့ရဲ့ခေါင်းဆောင်တွေကို သိုးထိန်းတဲ့ပုဂ္ဂိုလ်တစ်ဦးလို တင်စားခေါ်ဝေါ်ကြတာပါ။ အီစ္စရေးဒေသနဲ့ လူမျိုးတွေကြားမှာလည်း ဒီလို တင်စားခေါ်ဝေါ်ကြတာပါပဲ။ သမ္မာကျမ်းစာထဲမှာဆိုရင် အာဗြရာဟံ၊ ဣဇာတ်၊ယာဂုတ်၊ မိုးဇယ်၊ ဒါဝိတ် အစရှိသည့် သူရဲကောင်းကြီးတွေကို သိုးထိန်းကောင်းတွေလို့ တင်စားကြပါတယ်။ ဓမ္မသစ်မှာလည်း ခရစ်တော်က မိမိကိုယ်တိုင် သိုးထိန်းနှင့် ခိုင်းနှိုင်းထားပါတယ်။ ကောင်းကင်ဘုံသို့ မတက်ကြွမှီ သံပေတရူးကိုလည်း သိုးများကို စောင့်ရှောက်ဖို့ မိန့်မှာပြီး သိုးထိန်းကောင်းတစ်ဦးဖြစ်စေခဲ့ပါတယ်။

သိုးတွေရှိရာ သိုးထိန်းရှိပါတယ်။ သိုးထိန်းရှိတဲ့နေရာမှာ သိုးတွေလုံခြုံစိတ်ချရပါတယ်။ ဒါ့ကြောင့် သိုးတွေနဲ့ သိုးထိန်း၊ သိုးထိန်းနဲ့သိုးတွေဆိုတာ နက်နက်ရှိုင်းရှိုင်း ဆက်စပ်မှုရှိနေတာ အမှန်ပါပဲ။ ဒါကို သိုးကျောင်းသားတွေ ကောင်းကောင်းသိနားလည်ပါတယ်။

သိုးကျောင်းသားဘ၀ကို သိုးကျောင်းတဲ့အလေ့အထမရှိတဲ့ ကျနော်တို့တတွေ သိပ်နားမလည်လောက်ပါဘူး။ သိုးမွေးသိုးကျောင်းလုပ်ခြင်းက ကျနော်တို့အရပ်ဒေသမှာ ရှားပါးတာမို့ သိပ်နားမလည်ဘဲ ဖြစ်နေနိုင်ပါတယ်။ ယေဇူးခရစ်တော် နေထိုင်ခဲ့တဲ့အရပ်ဒေသ (အရှေ့အလယ်ပိုင်းဒေသ)မှာတော့ သိုးကျောင်းတာဟာ နေ့စဉ်ဓူဝ အလုပ်တစ်ခုမို့ သိုးထိန်းလို့ ပြောလိုက်ရုံနဲ့ ချက်ချင်းနားလည်ကြပါတယ်။ သိုးတွေဟာ အင်မတန်မှ အပြစ်ကင်းတဲ့ သတ္တ၀ါတွေလို့ အမွန်းတင်ရလောက်အောင် ရိုးရှင်းတဲ့ တိရိစ္ဆာန်တွေဖြစ်ပါတယ်။ ဒါကြောင့် သူတို့ကို စားဖို့ ချောင်းမြောင်းနေတဲ့ သားရဲတိရိစ္ဆာန် သတ္တ၀ါတွေဟာ အမြဲ ၀န်းရံနေပါတယ်။ ဒီတော့ သိုးကျောင်းသားဟာ သိုးကျောင်းတဲ့အခါ အင်မတန်မှအရေးကြီးပါတယ်။ သိုးတွေကို ကာကွယ်ပေးဖို့ ရဲရင့်ရတယ်၊ သတ္တိရှိရတယ်၊ အသက်ကိုပင်ပေးဝံ့ရတယ်၊ ဘ၀ကိုမြုပ်နှံပြီးတော့ကို အချိန်ပေးစောင့်ရှောက်ရတယ်။ သိုးတွေဟာလည်း သူတို့သိုးထိန်းကို သိလာတာနဲ့အမျှ တခြားဘယ်ကိုမှ မလိုက်ကြတော့ဘူး။

ဒီနေ့ ဒီလိုရိုးရှင်းတဲ့ ပုံဥပမာလေးမှာ ခရစ်တော်ဘုရားရှင်က နက်ရှိုင်းတဲ့ တရားကိုပေးခဲ့တယ်။ ငါ၏သိုးတို့သည် ငါ့အသံကိုနားထောင်ကြ၏။ ငါသည်သူတို့ကိုသိ၍ သူတို့သည်လည်း ငါ့နောက်သို့လိုက်ကြ၏။ လို့ ခရစ်တော်ဘုရားရှင်မိန့်ဆိုလိုက်တဲ့အခါ တရားသဘောဟာ ရှင်းလင်းပြီး နက်ရှိုင်းနေတာမို့ နောက်ထပ်တွေးချဲ့၊ စဉ်းစားအဖြေထုတ်စရာကို မလိုတော့ပါဘူး။ ဒီနေ့ ပင်မအသင်းတော်ကြီးမှာတော့ ခရစ်တော်ဘုရားရှင် ကြိုတင်စံမံခဲ့တဲ့အတိုင်း ယုံကြည်သူ သိုးများဟာ သိုးထိန်းအောက်မှာ လုံခြုံစိတ်ချစွာ ရှိနေတယ်ဆိုတာကို စဉ်းစားမိပါသလား။ ဒါ့ကြောင့် ဒီကမ္ဘာလောကမှာ သိုးထိန်းအဖြစ် ခန့်အပ်ခံထားရတဲ့ အသင်းတော်ကြီးဟာ သခင့်သိုးတွေအတွက် အမြဲတမ်း ရှေ့တမ်းတင်လို့ တကမ္ဘာလုံးမှာ မတူညီတဲ့ လူမျိုးတကာတို့အကြား တူညီတဲ့ ကယ်တင်ခြင်းတရားကို အတတ်နိုင်ဆုံး ၀ိညာဉ်တော်ရဲ့လမ်းပြမှုနဲ့အတူ ဦးဆောင်ထိန်းကျောင်းနေတယ်ဆိုတာပါပဲ။ ကျနော်တို့ ယုံကြည်သူ သိုးတွေဟာလည်း သိုးထိန်းကို သိနေမှ ဖြစ်ပါလိမ့်မယ်။
-သင်းကွဲသိုးငယ်တစ်ကောင်လို တောထဲမှာ ပျောက်နေသလား၊ သိုးထိန်းသခင်ကို ရှာရင်း သားကောင်ဖြစ်နေရပြီလား။
-တို့အုပ်စုဟာဖြင့် သိုးထိန်းမရှိတဲ့ သိုးအုပ်စုလို ဖြစ်နေပြီလား။ -တို့တွေရဲ့ သိုးထိန်းအဘယ်မှာ ရှိနေမလဲ။ (မာတေဦး ၉း၃၆)
-သေခြင်းတရားသည်ပင် တို့တွေရဲ့သိုးထိန်းဖြစ်နေပြီလား။ (ဆာလံ ၄၉း၁၄)
-ဘုရားဗိမာန်ထဲမှာဈေးဖွင့်ရောင်းနေကြတဲ့ ဈေးသည်တွေရဲ့ ရောင်းချခံသိုးလေးဖြစ်နေပြီလား (ယောဟန် ၂း၁၄)
-လမ်းပျောက်သော သိုးများဖြစ်ခဲ့သကဲ့သို့ ယခုအခါ သိုးထိန်းရှိရာ ပြန်လာခဲ့ပြီလော။ (ပ-ပီတာ ၂း၂၅)
-ကိုယ်တော့်အတွက်ကြောင့် နေ့စဉ်သတ်ဖြတ်ခြင်းခံနေရတဲ့ သိုးတွေလို ဖြစ်နေတာလား (ရောမ ၈း၃၆)
-၀ံပုလွေတွေအကြားမှာ စေလွှတ်ခံထားရတဲ့ သိုးငယ်လေးဖြစ်နေပြီလား။ (မာတေဦး ၁၀း၁၆)
-သိုးစုငယ်၊ မကြောက်ရွံ့လေနှင့်။ အကြောင်းမူကား သင်တို့အဖသည် နိုင်ငံတော်ကို သင်တို့အားပေးရန် နှစ်သက်တော်မူ၏ (လုကာ ၁၂း၃၂)
-ထာဝရဘုရားသခင်သည် အကျွန်ုပ်၏ သိုးထိန်းဖြစ်တော်မူ၏။ (ဆာလံ ၂၃)

စဉ်းစားထောက်ရှုနိုင်ကြပါစေလို့ ဆုတောင်းမေတ္တာပြုရင်း ဝေမျှလိုက်ရပါတယ်။ သိုးထိန်းနဲ့ မကွာဘဲရှိနေတဲ့ သိုးများဖြစ်နိုင်ကြပါစေ၊ သိုးထိန်းသံကို ကြားသိတဲ့ သိုးများဖြစ်ကြပါစေ။

ဒိုမီနီကန်ကိုရင်