အာဝင်ဒူးလ်ဒုတိယတနင်္ဂနွေနေ့

သံလုကာ ၃း၁-၆

တောကန္တာရ၌ကြွေးကြော်သောသူ၏အသံသည်ကား ထာဝရဘုရားသခင်၏လမ်းကိုပြင်ဆင်ကြလော့။

စောင့်မျှော်ခြင်းကာလ၏ဒုတိယမြောက်တနင်္ဂနွေမှာတော့ အသင်းတော်၏၀တ်ပြုကိုးကွယ်ရာပြကဒိန်တွင် ယေဇူးခရစ်တော်သခင်၏ရှေ့ပြေးဖြစ်တဲ့ သံယောဟန်ဗတ္တိဇံ၏ ကန္တာရအသံကိုကြားနားစေပါတယ်။ အမှန်စင်စစ်လည်း ထိုကန္တာရအသံဟာ ကြွလာမည့်ဘုရား၏လမ်းကိုပြင်ဆင်ကြဖို့ ဟစ်အော်နေပါတယ်။ - ကိုယ်တော်၏လမ်းတို့ကိုဖြောင့်တန်းစေကြလော့။-ချိုင့်ဝှမ်းရှိသမျှတို့ကို ဖို့ကြရမည်။-တောင်ကြီးတောင်ငယ်ရှိသမျှတို့ကိုဖြိုကြရမည်။-ကွေ့ကောက်သောလမ်းများကို ဖြောင့်တန်းစေကြရမည်။-ကြမ်းတမ်းသောလမ်းများကိုလည်း ညီညာစေကြရမည်။ 

ယနေ့သံယောဟန်အသံကိုကြားမိတော့ မြန်မာပြည်မှာ လူကြီးလာမှာမို့၊ S2 တဲ့၊ S1 တဲ့ဆိုပြီး ၎င်းတို့လာမယ့်လမ်းတွေကို ရှင်းကြ၊ ပြုပြင်ကြ၊ ညှိကြနဲ့ အလှတောင်ပြင်ကြသေးတာကို ပြေးမြင်မိတယ်။ ကိုယ်တိုင်လည်း အဲဒီလိုလမ်းတွေပြင်ကြရတဲ့အထဲမှာ မကြာခဏပါခဲ့ဖူးတော့  အသိစိတ်ထဲမှာ လူကြီးလာမှာမို့ဆိုတဲ့ အသိက မိမိကိုတွန်းအားတစ်ခုနဲ့လုပ်စေနေပါလားဆိုပြီး တထူးတခြားတော့ခံစားနေခဲ့ရဖူးတယ်။ ဒီနေ့လည်း လမ်းတွေပြင်ကြရဦးမယ်တဲ့ သံယောဟန်ဗတ္တိဇံက အော်ဟစ်နေပြန်ပါတယ်။ သို့သော်လည်း ဒီတခါတော့ ကျွန်တော်တို့သိမြင်နေတဲ့လမ်းတွေမဟုတ်တော့ပါဘူး။ ကျွန်တော်တို့ရဲ့ ဘ၀လမ်းစဉ်များနှင့် ကိုယ်ကျင့်တရားလမ်းတွေပါ။ ကြွလာမည့်သူဟာလည်း ဟိုလူကြီးတွေမဟုတ်တော့ပါဘူး - မိမိတို့ကို တဘ၀လုံးစာ၊ ထာဝရဆုံးတိုင်ကယ်နှုတ်မယ့် ဘုရင်တကာတို့ရဲ့ဘုရင်၊ ဘုရားသခင်ကိုယ်တော်တိုင် လူ့အဖြစ်ကိုယူပြီး ကြွလာမှာဖြစ်ပါတယ်။ လူ့စကားရပ်များဖြင့် ဖော်ပြဖို့ပင် မလုံလောက်တဲ့ အမြင့်မြတ်ဆုံးအရှင်ကိုယ်တော်တိုင် ကြွလာတော့မှာဖြစ်ပါတယ်။ နှလုံးသားလမ်းတွေကို ပြင်ဆင်ကြရမယ်။

သံယောဟန်ဗတ္တိဇံဟောပြောတဲ့ကာလခေတ်အချိန်အခါက ၎င်းအချင်းရာဟာ ဘုရားသခင်၏ဗျာဒိတ်တော်မှန်းသိသာခဲ့ပါတယ်။ သိသာလွန်း၍လည်း လူပေါင်းများစွာ သူ့အသံကိုနားထောင်ပြီး နောင်တရယူကာ ပြုပြင်ပြောင်းလဲပြီး ဆေးကြော်ခြင်းမင်္ဂလာကိုခံယူခဲ့ကြပါတယ်။ ဒီနေ့ဒီခေတ်မှာကော ဘုရားသခင်ရဲ့ ဗျာဒိတ်တော်ဘယ်လိုသိသာစေနေသလဲ။ ဘုရားသခင်ရဲ့အသံကို ဘယ်လိုကြားသိနိုင်ကြမလဲ။ သမ္မာကျမ်းစာနှင့်အတူ ဘုရားသခင်ရွေးကောက်ထားတဲ့ ၀ိညာဉ်ရေးလမ်းညွှန်ခေါင်းဆောင်ကြီးတွေအားဖြင့် ယနေ့ ဘုရားသခင်ရဲ့အသံကို ထပ်ကာထပ်ကာ ပဲ့တင်ထပ်နေစေပါတယ်။ ဒါကြောင့် ကျွန်တော်တို့တတွေဟာ တကယ့်ကို အခွင့်ထူးတွေရရှိနေကြတာပါ။ သို့သော်လည်း ဘုရားသခင်ရဲ့အသံကိုတော့ အသေချာကြားမိရဲ့လားဆိုတာ မိမိကိုယ်တိုင်စမ်းစစ်ကြည့်ရပါလိမ့်မယ်။

ပေါများလာတဲ့လောကပစ္စည်းဥစ္စာတွေကြားမှာနေထိုင်ရင်း ယနေ့ခေတ်မှာ လူများစွာဟာ နှလုံးသားကန္တာရမှာ နေထိုင်နေကြတယ်။ သိပ္ပံနှင့်အသိပညာတွေပို၍ပို၍တိုးတက်လာသော်လည်း ကျွန်တော်တို့နှလုံးသားတွေကို တခဏတာမျှပင်စမ်းစစ်ကြည့်ဖို့မေ့နေကြတယ်။ ကျွန်တော်တို့ရဲ့ဦးနှောက်နှင့် အသိတွေဟာလည်း နှလုံးသားစမ်းရေမှဝေးသထက်ဝေးကွာလာပြီး ကန္တာရသဲတောင်သဖွယ်ဖြစ်လာနေကြတယ်။ ထို့အတူ နိုင်ငံရေးကစားကွက်ထဲမှာ ဒီမိုကရေစီဟုအော်ဟစ်နေကြပေမယ့် မိမိတို့ရဲ့နှလုံးသားများကိုတော့ ဒီမိုကရေစီပေးဖို့မေ့နေတတ်ကြတယ်။ လူ့အခွင့်အရေးဟုအော်ဟစ်နေကြသော်လည်း တစ်ပါးသူရဲ့အခွင့်အရေးနှင့် သိက္ခာကိုတော့ မေ့နေတတ်ကြပြီး မိမိနှင့်နီးစပ်သူကို မေတ္တာတရားထားဖို့ပျောက်ဆုံးနေကြတယ်။ တရားမျှတခြင်းနှင့် တန်းတူအခွင့်အရေးဟုအော်ဟစ်နေကြသော်လည်း တစ်ပါးသူကို မိမိလိုတန်းတူအခွင့်အရေးနှင့် တရားမျှတစွာဆက်ဆံဖို့တော့ မေ့နေတတ်ကြတယ်။

ချစ်စွာသောဓမ္မမိတ်ဆွေများ၊ ဒီနေ့ တောကန္တာရမှာအော်ဟစ်နေတဲ့ သံယောဟန်ဗတ္တိဇံရဲ့အသံကိုနားထောင်ရင်း လူ့အဖြစ်ကိုယူကာကြွလာခဲ့တဲ့ ခရစ်တော်၏နောက်တကြိမ်ကြွလာခြင်းအတွက် အမြဲပြင်ဆင်နေကြဖို့ ဖိတ်ခေါ်ပါတယ်။ ကျွန်တော်တို့နှင့်အတူ ခရစ်တော်ရှိနေသည့်အလျောက် ကျွန်တော်တို့ရဲ့နှလုံးသားလမ်းတွေကို အထူးပြင်ဆင်သွားကြပါစို့။

ဒိုမီနိကန်ကိုရင်