စိန်ဂျိုးဇက် ဘရာသာရ်အသင်းဂိုဏ်းအကြောင်း သင်သိချင်ပါသလား။

ဖယ်ခုံဂိုဏ်းအုပ်သာသနာမှ စိန်ဂျိုးဇက် ဘရာသာရ် အသင်းဂိုဏ်း၏သမိုင်းအကျဉ်း။ 

သာသနာပိုင်နယ်အတွင်းရဟန်းဘုန်းတော်ကြီးများအား သာသနာလုပ်ငန်း၌ကူညီရန် ရည်ရွယ်ချက်ဖြင့် တောင်ငူဆရာတော်ကြီး A. Lanfranconiသည် ၁၉၅၄ ခုနှစ်တွင် ကယားပြည်နယ်၊မိုဆိုကျေးရွာ၌ဓမ္မဆရာဖြစ်သင်ကျောင်းနှင့်တွဲ၍စိန်ဂျိုးဇက်ဘရာသာရ်ဂိုဏ်းကိုစတင်တည်ထောင်ခဲ့ရာ Fr. Luizi Dametto ကို လက်ဦး ကျောင်းအုပ်တာဝန်ခံအဖြစ် ခန့်အပ်ခဲ့ပါသည်။အလုပ်သမားစိန်ဂျိုးဇက်သည်၎င်းအသင်းဂိုဏ်းကိုမှိုင်းမသော ရဟန္တာဖြစ်၍နှစ်စဉ် မေလ (၁) ရက်နေ့တွင်၎င်းရဟန္တာနှင့်၎င်းဂိုဏ်း၏ ပွဲတော်မြတ်ဖြစ်သည့်အလျောက် အသင်းသားသစ်များ ဝတ်ရုံသင်္ကန်းခံယူ၍ အသင်းသားများ ဂတိသစ္စာခံယူသော နေ့ဟုသတ်မှတ်ခဲ့ပါသည်။

သာသနာခွဲပြီးနောက် အသင်းဂိုဏ်းအခြေအနေ နှင့်လုပ်ဆောင်ချက်။

          ၁၉၅၄ ခုနှစ် မှ ၁၉၈၅ ခုနှစ်အထိအလုပ်သမား စိန်ဂျိုးဇက်ဂိုဏ်း ဝင်ဘရာသာရ် စုစုပေါင်း (၃၀) ပါးရှိခဲ့ သော်လည်း အခြေအနေအမျိုးမျိုး ကြောင့် တောင်ငူ၊ ကျိုင်းတုံ၊ တောင်ကြီး၊ လွိုင်ကော်၊ ဖယ်ခုံသာသနာ (၅) ခု သို့ခွဲနေကြရာ၊ ကျရာနေရာ၌ဘော်ဒါကလေးထိန်းခြင်း၊ ဘုရားစကားနှင့် သီချင်းများသင်ပေးခြင်း၊ ရဟန်းနှင့်အတူရွာလှည့်ခြင်း၊ ဘုရားဝတ်ပြုခြင်းနှင့် ကာယလုပ်အား၌ကူညီခဲ့ကြသည်။ အခြားသော ဘရာသာရ်တို့သည် ခေါ်တော်မူခြင်းလမ်းပြောင်း ခဲ့ကြရာ ၁၉၈၆ ခုနှစ်တွင် တောင်ကြီးသာသနာ၌ ဘရာသာရ် (၅) ပါးသာကျန်ခဲ့ ရာမှ ၁၉၈၉ ခုနှစ် လွိုင်ကော်သာသနာသစ်ခွဲ ထွက်လာသဖြင့် လွိုင်ကော်သာသနာဘက်၌ ဘရာသာရ်(၂) ပါး၊ တောင်ကြီးဘက်၌(၂)ပါးကျန်ရစ်ခဲ့ပါသည်။ ၁၉၉၆-၉၇ ခုနှစ် တောင်ကြီးဆရာတော်ကြီးနှင့် အသင်းဂိုဏ်း၏အားထုတ် မှုကြောင့် (၁၉၉၀-၂၀၀၅) ခုနှစ်တွင် ဘရာသာရ် အရေအတွက် (၈) ပါးအထိတိုးတက်လာခဲ့ပါသည်။ သို့သော် အခြေအနေအမျိုးမျိုးကြောင့် ဘရာသာရ်အများအားဖြင့် ခေါ်တော်မူခြင်းလမ်းပြောင်းသော ပုဂ္ဂိုလ်များထပ်ဆင့်ရင်ဆိုင်ရသည့် အတွက်ကြောင့် တောင်ကြီးသာသနာမှ ဖယ်ခုံသာသနာ သစ်စဖွင့်သည့် အချိန်မှာ ဘရာသာရ်(၃) ပါးသာ ကျန်ရစ် ခဲ့ပါသည်။ ထိုနောက်ဖယ်ခုံဂိုဏ်းအုပ်ဆရာတော်ကြီး ပီတာလတ်သည် သာသနာတော်သစ်၏လယ်ကွင်းမှာ စိန်ဂျိုးဇက် ဘရာသာရ်သည်လည်းအုတ်တစ်ချပ်သဲတစ်ပွင့်ပါဝင်ရန်အရေးပါကြောင်းခံယူ၍အဖက်ဖက်မှ အားပေးကူညီမှုကြောင့် လက်ရှိစိန်ဂျိုးဇက်ဘရာသာရ် (၅) ပါး အထိတိုး လာသည်သာမက အနာဂါတ်ကို မျှော်မှန်းပြီး၂၀၀၉ ခုနှစ်မှစ၍စိန်ဂျိုးဇက် ဘရာသာရ်ကျောင်းမှာ ကျောင်းသားများလက်ခံရာ (၂၀၀၉-၁၀)ပညာ သင်နှစ်မှာ ကျောင်းသား (၂၅) ယောက်၊ (၂၀၁၀ - ၁၁) ပညာသင်နှစ်မှာ ကျောင်းသား(၄၀) ယောက်နှင့် (၂၀၁၁-၁၂)ပညာသင်နှစ်မှာ ကျောင်းသား (၄၂)ယောက်ပညာဆည်းဖူး နေပါသည်။

အသင်းဂိုဏ်း၏သဘောတရားနှင့်ရည်ရွယ်ချက်။

          စိန်ဂျိုးဇက် ဘရာသာရ်များသည် သာသနာအတွင်းရှိဖွဲ့ စည်းထား သော သာမန်ဘာသာသူယောက်ျားများအတွက် အဖွဲ့အစည်းတစ်ခု ဖြစ်ပါသည်။၎င်းအသင်းဂိုဏ်းတည် ထောင်ရခြင်း၏အဓိက ရည်ရွယ်ချက်မှာ -

(၁) သာသနာများတွင် များပြားလှသော တာဝန်ကို ထမ်းဆောင်နေရသည့် ရဟန်းများအားစိတ်အားထက်သန်စွာ စေတနာအပြည့်အဝရှိသော သာမန် ဘာသာသူအမျိုးအစား အားကူညီဆောင်ရွက်ရန်။

(၂) ဘုရားသခင်၏အမှုတော်ကိုထမ်းဆောင်လိုသော်လည်း ရဟန်းမဖြစ်နိုင်သော ဘုရား၏နောက်လိုက်သားများအား၊ ခရစ်ယာန်၏ စုံလင်ခြင်းကို သီလသည်ဘ၀ဖြင့်ရှာကြံရန် အခွင့်အရေးပေးခြင်းနှင့် ဝိညာဉ်များကို ရဟန်းတော်များနှင့် အတူကယ်တင်ရန် အခွင့်အရေးပေးခြင်း ပင်ဖြစ်သည်။ 

စိန်ဂျိုးဇက်ဘရာသာရ်ဂိုဏ်းဝင်ရန်လိုအပ်ချက်။

          စိန်ဂျိုးဇက် ဂိုဏ်းဝင်ဘရာသာရ်တို့သည် ဆင်းရဲခြင်း၊ နားထောင်ခြင်း နှင့် ဖြူစင်ခြင်း စသော သစ္စာ(၃)ပါးဖြင့် မိမိကိုယ်ကိုဘုရားရှင်အားပူဇော် ဆက်ကပ်သော သူများဖြစ် ကြသည်။

          ဆုတောင်းပါ၊ အလုပ်လုပ်ပါ(Ora Et Labora) ဟူသော ဆောင်ပုဒ်ကိုလက်တွေ့ ကျင့်သုံးနိုင်ရန် ဘရာသာရ်တိုင်း၌ -

(၁) ဘုရားတရားကြည်ညိုခြင်း၊ (၂) ကျန်းမာခြင်း၊ (၃) ပညာရေး အသင့်အတင့်၊ (၄) လူအများနှင့်ပေါင်းသင်းနိုင်ခြင်းနှင့်(၅) အလုပ်၌လုံ့လ ဝိရိယရှိခြင်း စသည့်အရည်အချင်းများ လိုအပ်ပါသည်။

          ထို့ကြောင့်စိန်ဂျိုးဇက်ဘရာသာရ် ဂိုဏ်းဝင်လိုသော လူငယ် အမျိုးသားတို့သည် မိမိကျောင်းထိုင်ဘုန်းတော်ကြီးမှ တဆင့်(သို့) တခြားသာသနာမှ ဖြစ်လျှင်မိမိဆရာတော်ကြီးမှ တဆင့် ဘရာသာရ်ကြီးထံသို့ ကိုယ်တိုင်လျှောက်လွှာနှင့်အတူ -

(က) ဆေးကြောခြင်းနှင့် ခရစ္စမားအားပေးခြင်းလက်မှတ်၊

(ခ) အခြေခံအထက်တန်းကျောင်းတွင်(၁၀)တန်းအထိ နေခဲ့ကြောင်း ထောက်ခံစာ၊

(ဂ) ကျန်းမာရေးကောင်းကြောင်း၊ အင်္ဂါချို့တဲ့မှုမရှိကြောင်း၊ နာခံမှုရှိကြောင်းနှင့် လူမှုဆက်ဆံရေးတွင်သာမန်ရှိကြောင်း၊ လုံ့လဝိရိယရှိကြောင်း၊ ကျောင်းထိုင်ဘုန်းတော်ကြီး၏ ထောက်ခံစာ စသည်များလိုအပ်ပါသည်။

စိန်ဂျိုးဇက်ဘရာသာရ်ဂိုဏ်း၏တံဆိပ် နှင့် ၎င်း၏သဘောတရား

ဤပုံသည် စိန်ဂျိုးဇက်ဘရာသာရ် ဂိုဏ်း၏အမှတ်တံဆိပ်ပုံ ဖြစ်သည်။ ဤတံဆိပ်၏သဘောတရားမှာ -

(၁) ဖယောင်းတိုင်သည် ခရစ်တော်ကိုရည်ညွန်းထားပြီး ကျွန်ုပ်တို့နှင့်အတူရှိ နေကြောင်းသရုပ်ဖော်ထားသည်။

(၂) ဖယောင်းတိုင်အောက်ခြေထိုင်ခုံသည် ကမ္ဘာ(ဝါ) သာသနာကိုရည်ညွန်း၍သရုပ်ဖော်ထားပါသည်။

(၃) တူနှင့်လွှသည်စိန်ဂျိုးဇက်အသုံးပြုခဲ့သော သက်သေခံအမှတ်လက္ခဏာ ဖြစ်သည်။ ကမ္ဘာ(သို့) သာသနာ အတွက်မရှိမဖြစ်အသုံးပြု ရမည့်အရာကို ရည်ညွန်းထားသည်။ တနည်းအားဖြင့် ဘရာသာရ်တို့၏ လက်ကိုင်တုတ်ကိုသရုပ် ဆောင်ထားသည်။

(၄) ပန်း(၂)ပွင့်သည် စိန်ဂျိုးဇက်တောင်ဝှေးအပွင့်(ဝါ) စိန်ဂျိုးဇက် ၏လီလီပန်းကို သရုပ်ဖော်လျှက် ရိုးသားသန့်ရှင်း ခြင်း၏ အမှတ်လက္ခဏာ ကိုဆောင်ထားသည်။

(၅) (Ora Et Labora) ဆုတောင်ပါ၊ အလုပ်လုပ်ပါ ဟူသော ဆောင်ပုဒ်သည် ဖိုးသူတော်သီလသည်ဘ၀ကို ဆောက်တည်ရာ၌ အောင်မြင်မှုရရှိရန် မကျင့်မဖြစ်ကျင့် ဆောင်ရမည့်အဓိကကျသော သော့ချက်ကိုဖော်ညွန်း ထားပါသည်။

          သို့ဖြစ်ပါ၍ သာသနာတော်၌ ပါဝင်၍ သီလသည် ဘ၀ကို ဆောက်တည်လိုသော စိန်ဂျိုးဇက်ဘရာသာရ်များသည် သစ္စာ(၃)ပါးကို၎င်း (Ora Et Labora) ဆုတောင်းခြင်းအမှုနှင့်အလုပ်လုပ်ခြင်းအမှုကို၎င်း၊ အမြတ်တနိုးဦးထိပ်ထားပြီး ဒုက္ခဆင်းရဲများစွာဖြင့် ကျင့်သုံးကာ မိမိဘ၀ကယ်တင်ခြင်း အတွက်သော်၎င်း၊ လူတကာတို့၏ကယ်တင်ခြင်း အတွက် သော်၎င်း ရဟန်းတော်များနှင့်အတူလက်တွဲလှုပ်ရှား ရမည်ဖြစ်သည်။

အသင်းသားများ၏ကျင့်ဝတ်။

          အလုပ်သမားစိန်ဂျိုးဇက်ဂိုဏ်းဝင်ဘရာသာရ် အကြောင်းကို သင်သိလိုလျှင်၎င်းဂိုဏ်းကို မှိုင်းမသော အလုပ်သမား စိန်ဂျိုးဇက်၏စိတ်နေ သဘောထားကို သင်လေ့ လာအပ် ပေသည်။ အကြောင်းမူကား ဤဘရာသာရ်များသည်၎င်းစိတ်ဓါတ်ဖြင့်သာ ရှင်သန်လှုပ်ရှားလျက်ရှိ နေကြသော ကြောင့်ပင်တည်း။

          ကျမ်းစာထဲ၌ စိန်ဂျိုဇက်၏အဆိုအမိန့်ဟူ၍ မှတ်တမ်း တင်ခြင်းမတွေ့ ရပါ။ ယေဇူးနှင့်သိကြားမင်းတို့မိန့်ဆိုသမျှကိုယုံကြည်ခြင်းဖြင့် လက်ခံ၍တာဝန်သိသိ၊ သစ္စာရှိရှိ ဆိတ်ငြိမ်စွာ ဆောင်ရွက် ခဲ့သော ပုဂ္ဂိုလ်မြတ်ပင်ဖြစ်သည်။

ထိုနည်းတူ ဘရာသာရ် ဖေလိဇယ်တန်တာရ်ဒီးနီ(ခ) ဦးမောင်သံချောင်းသည် စိန်ဂျိုးဇက်ဘရာသာရ် ဂိုဏ်းဝင် တစ်ပါးမဟုတ်သော်လည်း၊ သာသနာအကျိုးတော်ဆောင်ရာ၌ ဆုံးခမ်းတိုင် အောင်စိတ်အားထက်သန် သဖြင့်ဘရာသာရ် တို့အတုယူဖွယ်၊ စံနမူနာ ဆောင်သော သူတော်ကောင်းတစ်ပါး ဖြစ်ကြောင်း ကျွန်ုပ်ဝေငှလိုပါသည်။ သူသည် တောင်ငူ၊ တောင်ကြီး၊ လွိုင်ကော်၊ ဖယ်ခုံ သာသနာတွင် နှစ်လကြာရှည်စွာ သာသနာအကျိုးတော်ဆောင်စံပြပုဂ္ဂိုလ်တစ်ပါးဖြစ်သည်။ သူသည် လူများကိုယုံကြည်ခြင်းတရားမဟော၊ မဖိတ်ခေါ်၊ မစည်းရုံးသော်လည်း သူ၏နိမ့်ချသောစိတ်၊ ရိုးသားသော သဘောထားရှိ၍ စကားနည်းပြီး အလုပ်များများလုပ်၊ များများဆုတောင်းခြင်းဖြင့် (Ora Et Labora) သာသနာတော်အား၎င်း၊ ဘုရားသခင်းအား၎င်း၊ အသက်ထက် ဆုံးမိမိဘ၀ကို ဆက်ကပ်အပ်နှံခဲ့သည်။

          ထို့ကြောင့် ဘရာသာရ် ဖေလိဇယ်သည် ကျွန်ုပ်တို့ ဘရာသာရ်များ အတွက် အတုယူဖွယ်လုပ်သားကောင်းတစ်ပါး ဖြစ်ပါသည်။

တာဝန်ထမ်းဆောင်လျှက်ရှိသော ဘရာသာရ်များ

လက်ရှိ စိန်ဂျိုးဇက်ဘရာသာရ်များ အနေဖြင့် ဖယ်ခုံသာသနာတွင် ဘရာသာရ် ငါးပါးဖြင့်တာဝန်ထမ်းဆောင်လျှက်ရှိပါသည်။

၁။ ဘရာသာရ်ဂျိုးဇက်ကောင်း

၂။ ဘရာသာရ် တိုးတိုးဝင်း

၃။ ဘရာသာရ် ဘီတိုး

၎။ ဘရာသာရ် ပီးယို

၅။ ဘရာသာရ် မနွဲလယ် တို့ဖြစ်ကြပါသည်။

ပညာသင်ကြားလျှက်ရှိသော ဘရာသာရ်လောင်းတို့မှာ-

၁။ ဩဂတ်စတင်းစည်သူဝင်း-ပထမနှစ် (မန္တလေးသာသနာ- စိန်ဇေးဗီးယား)

၂။ သောမတ်နေဆန်းအောင် -ပထမနှစ် (ဖယ်ခုံသာသနာ- လွယ်ရင်းတောင်ခြေ) တို့ဖြစ်ကြသည်။

ဝင်လိုသူလူငယ်များကို နွေးထွေးစွာဖိတ်ခေါ်နေပါသည်။ ကျွန်တော်တို့စိန်ဂျိုးဇက်ဘရာသာရ် အသင်းဂိုဏ်းအကြောင်းကို စိတ်ဝင်စားစွာဖြင့် သိလို စုံစမ်းလိုလျှင် အောက်ဖော်ပြပါ ဖုန်းနံပါတ်များသို့ အချိန်မရွေး ဆက်သွယ်မေးမြန်းနိုင်ပါသည်။ 

                                      အကြောင်းစုံသိလိုလျှင်-

St.JOSEPH BROTHER MOTHER'S HOUSE, HIMDAMA QUARTER, PEKHON 06061.

TEL: 081.56451, 56452